1.79-80 एकोनत्रिंशः पाठः। श्रीमद्भागवतमहापुराणस्य सम्पूर्णम् अध्ययनम्। माहात्म्यम्। प्रथमः अध्यायः। एकोनाशीतितमः अशीतितमः च श्लोकः। साधूनां दर्शनं सर्वसिद्धिकरम्। कथं कायाधवः जगति मायां जयति? श्रीमद्भागवतकथा। श्रीकृष्णकथा। माहात्म्यकथा।
भक्तिरुवाच अर्थात् देवी भक्तिः उक्तवती
सुरर्षे त्वं हि धन्योऽसि मद्भाग्येन समागतः ।
साधूनां दर्शनं लोके सर्वसिद्धिकरं परम् ।।1.79
भावार्थः
हे देवर्षे! भवान् धन्यः अस्ति! मम परमसौभाग्यकारणेन भवान् समागतः अस्ति । संसारे साधुपुरुषाणां दर्शनं परमं कल्याणकारकम् अस्ति ।
भावार्थ
हे देवर्षे! आप धन्य हैं! मेरे परम सौभाग्य के कारण आप आए हुए हैं । संसार में साधु पुरुषों का दर्शन सभी सिद्धियों का परम कारण है ।
जयति जगति मायां यस्य कायाधवस्ते
वचनरचनमेकं केवलं चाकलय्य ।
ध्रुवपदमपि यातो यत्कृपातो ध्रुवोऽयं
सकलकुशलपात्रं ब्रह्मपुत्रं नतास्मि ।।1.80
भावार्थः
यस्य भवतः केवलम् एकम् एव उपदेशं धारयित्वा कयाधूपुत्रः प्रह्लादः संसारे मायायाः उपरि विजयं प्राप्तवान् आसीत् । ध्रुवः अपि भवतः एव कृपया ध्रुवपदं प्राप्तवान् आसीत् । भवान् सर्वमङ्गलमयः ब्रह्मदेवस्य पुत्रः च वर्तते । अहं भवन्तं नमस्करोमि ।
भावार्थ
जिस आपके केवल एक ही उपदेश को धारण करके कयाधू के पुत्र प्रह्लाद ने संसार में माया पर विजय प्राप्त कर लिया था । ध्रुव ने भी आपकी ही कृपा से ध्रुव पद को प्राप्त किया था । आप सर्वमङ्गलमय और ब्रह्माजी के पुत्र हैं, मैं आपको नमस्कार करती हूँ ।
कोई टिप्पणी नहीं:
एक टिप्पणी भेजें